Böyük Britaniyanın Lester Universitetinin tədqiqatçıları daxilinə xüsusi zolaq yerləşdirilmiş maskanın sınağını keçirirlər. Bu zolaq insanın nəfəsindən bakteriya və ya virus infeksiyalarının izləri olan damcıları özünə çəkir.
Hazırda koronavirusun insanda olub-olmamasını aşkara çıxarmaq üçün 48 saata qədər vaxt tələb olunur. Test-zolaqlı maskalar isə daha sürətli diaqnoz qoymağa imkan verir.
meddaily.ru saytının məlumatına görə, hələlik koronavirusa yoluxmuş real pasiyentlər üzərində sınaqlar aparılmayıb. Lakin bu maskaların vərəmi 90% dəqiqliklə aşkar etmək imkanına malik olduğu artıq məlumdur. Koronavirus vərəm kimi ciyərlərə təsir etdiyinə görə alimlər bu sistemin işləyəcəyinə əmindirlər.