AMEA Aşqarlar Kimyası İnstitutunda magistrantlar distant təhsilə cəlb olunub

1373

AMEA Aşqarlar Kimyası İnstitutunda magistrantlar distant təhsilə cəlb olunub

 

Azərbaycan Milli Elmlər Akademiyasının prezidenti, akademik Ramiz Mehdiyevin müvafiq sərəncamına uyğun olaraq akademik ƏliQuliyev adına Aşqarlar Kimyası İnstitutunda təhsil alan I və II kurs magistrantlara dərslər və məsləhət saatlarının distant yolla keçirilməsinə başlanılıb. İnstitutun Təhsil Şöbəsindən verilən məlumata görə, 29 mart 2020-ci il tarixdən etibarən həftədə 5 gün bu elmi müəssisənin aparıcı alimləri – k.e.d., professor Sabir Məmmədov, k.e.d., dosent Əfsun Sucayev, k.ü.f.d. Məlahət Abbasova, k.ü.f.d. Vəli Kazımov və k.ü.f.d., dosent Elnarə Həsənova tədris prosesinə cəlb edilmişlər. Onlar tərəfindən “Üzvi kimya” ixtisasında təhsil alan I kurs magistrantlara tədris planlarında nəzərdə tutulan “Zərif üzvi sintez II”, “Sterokimya” və “Üzvi kimyanın nəzəri əsasları”, “Üzvi kimyanın nəzəri məsələləri” və s. fənlər üzrə dərslər keçirilir.

 

İnstitutun II kurs magistrantları isə distant yolla elmi-pedaqoji təcrübəyə cəlb olunmuş, eyni zamanda elmi rəhbərləri tərəfindən dissertasiya işlərinin yazılıb tamamlanması üçün məsləhət saatları təşkil edilmişdir.

 

Dərslər informasiya texnologiyaları vasitələrindən istifadə etməklə “whatsapp”, “Skype” qruplarla onlayn rejimdə tədris olunur.

PAYLAŞ