“Xiaomi” smartfon formasında cib tərcüməçisi təqdim edib

1271

“Xiaomi” şirkəti tezliklə ucuz smartfon qiymətinə satışa çıxarılacaq yığcam tərcüməçi hazırlayıb. Bu haqda “Gizchina” nəşri yazıb.

“ICTnews” Elektron Xəbər Xidməti “hi-tech.mail.ru” saytına istinadən yazır ki, qurğu piksel sıxlığı 357 ppi olan 4,1 düymlük sensor displeylə təchiz edilib. 3000 milliamper/saat tutumunda batareya 5 saat ərzində fasiləsiz tərcümə rejimini təmin edir, gözləmə rejimində 19 saat işləyir.

Tərcüməçi danışanın istiqamətini avtomatik müəyyənləşdirərək uzaq məsafədən səsin qəbulunu dəstəkləmək üçün eyni anda 6 mikrofondan istifadə edir. Qurğu sözləri tanıyaraq onları tərcümə edir və ekranda göstərir.

Tərcüməçi 170 regionda istifadə olunan 18 dili dəstəkləyir. Cihaz əlavə olaraq 8 meqapiksellik kamera ilə təchiz edilib: onun vasitəsilə yazıları tərcümə etmək olar. Həmçinin qurğu faylların kompüter və ya smartfona ötürülməsi üçün “Wi-Fi” bağlantısını dəstəkləyir.

Noyabrın 26-da satışa çıxarılacaq “Xiaomi” şirkətinin yeniliyinin qiyməti 185 dollar təşkil edir.

Emil Hüseynov

PAYLAŞ