“MasterCard” şirkəti yeriş, üz ifadələri və ürək döyüntüsünə görə şəxsiyyətin eyniləşdirilməsini tətbiq etməyi planlaşdırır.
“ICTnews” Elektron Xəbər Xidməti “4pda.ru” saytına istinadən yazır ki, yeriş üzrə eyniləşdirmə ən perspektivli hesab edilir. Nəqliyyat vasitələrində quraşdırılmış xüsusi datçiklərin insanı identifikasiya edərək onun hesabından ödəniş çıxaracağı güman edilir.
Bundan başqa, insanın dərisinin səthinə yaxın yerləşmiş unikal qan damarlarının təsvirlərinə görə tanınması imkanı nəzərdən keçirilir. Digər bir texnologiya, həmçinin unikal xüsusiyyətlərə malik olan ürək döyüntüsünün ritmini təsvir edir.
Emil Hüseynov