Azərbaycan Milli Elmlər Akademiyası akademik Ə.Quliyev adına Aşqarlar Kimyası İnstitutunun təşkilatçılığı ilə 2022-ci il 30-31 may tarixlərində üzvi kimya, neft kimyası və neft emalı sahəsində görkəmli alim, keçmiş SSRİ-də sürtkü yağlarına, yanacaqlara və xüsusi mayelərə aşqarlar kimyasının əsasını qoymuş kimyaçılardan biri, respublikanın əməkdar elm xadimi, Azərbaycan və iki dəfə SSRİ Dövlət mükafatı laureatı, kimya elmləri doktoru, professor, AMEA Aşqarlar Kimyası İnstitutunun yaradıcısı və ilk direktoru olmuş akademik Əli Musa oğlu Quliyevin 110 illik yubileyinə həsr olunmuş “Müxtəlif təyinatlı üzvi maddələr və kompozision materiallar” mövzusunda respublika elmi konfransı keçiriləcəkdir. Konfransın keçirilmə forması davam edən pandemiya şəraiti ilə əlaqədar respublikada həmin vaxtdakı karantin şərtləri nəzərə alınmaqla müəyyən ediləcək.
Marağı olan bütün şəxsləri konfransda iştirak etməyə dəvət edirik.
Konfransın elmi proqramında aşağıdakı bölmələr üzrə plenar, şifahi və stend məruzələrin dinlənilməsi nəzərdə tutulur:
- Yağlara, yanacaqlara və xüsusi mayelərə aşqarlar, polimer materiallarına stabilizatorlar
- Kompozision materiallar
- Neft və qaz hasilatı və emalında istifadə olunan reagentlər
- Aşqarların, reagentlərin və kompozision materialların sintezi və tətbiqinin ekoloji aspektləri
- Zərif üzvi sintez və bioüzvi kimya
- Kompüter kimyası
Konfransın rəsmi dili Azərbaycan, rus və ingilis dilləridir.
Konfrans haqqında əlavə məlumatı institutun saytından ica.az ala bilərsiniz.
Konfrans materialları aşağıdakı tələblərə uyğun tərtib olunmalıdır:
- məruzənin adı böyük hərflərlə, qalın, şrift – 12;
- müəlliflərin adları – adi hərflərlə, qalın, şrift – 12;
- elm (təhsil) müəssisənin adı– adi hərflərlə, kursiv, şrift – 12;
- məruzəçinin e-mail ünvanı – şrift – 12;
- mətnlərin yığılması – kompüterdə A4 formatda, Microsoft Word proqramında, yuxarı və aşağıdan – 2 sm, sağdan – 2 sm, soldan – 2 sm məsafə saxlamaqla, Arial şrifti – 12, sətrarası 1 intervalla, 1-2 səhifə həcmində çap olunmalıdır; şəkil, qrafik, cədvəllər və ədəbiyyat mətnin daxilində verilməlidir, məruzəçinin adının altından xətt çəkilməlidir;.
- məruzələr 2 nüsxədə (2-ci nüsxə bütün müəlliflər tərəfindən imzalanır) və elektron variantında təqdim olunmalıdır;
- təqdim olunan məruzələr tələblərə cavab vermədiyi halda, konfransın proqramına daxil edilməyəcək;
- məruzələr redaktə olunmayacaq, təqdim olunan məruzələrə görə bütün məsuliyyəti müəlliflərin özü daşıyır.
Məruzələrin tezisləri, dərc edilmənin mümkünlüyü haqqında ekspertiza aktı və qeydiyyat forması (əlavə 1.) 2022-ci ilin aprel ayının 1-dək qəbul edilir:
Qeydiyyat forması – 1 nüsxə
Tezislər – 2 nüsxə və elektron variantı
Ekspertiza aktı – 1 nüsxə
Materiallar müşayiət məktubu ilə birlikdə AMEA Aşqarlar Kimyası İnstitutunun ünvanına göndərilməlidir:
AZ.1029, Bakı şəhəri, Böyükşor şosesi, 2062-ci məhəllə
Əlaqə telefonları: (012) 514-96-12; (012) 514-98-74
Elektron ünvan: aki05@mail.ru
Təşkilat Komitəsi
Əlavə 1
Qeydiyyat Forması
Müəllifin (-lərin) S.A.A. _____________________________________________________
İş yeri___________________________________________________________________
Vəzifəsi _________________________________________________________________
Şəhər __________________________________________________________________
Ünvan (iş) _______________________________________________________________
E-mail___________________________________________________________________
Tel., faks (iş) _____________________________________________________________
Çıxışın adı_______________________________________________________________ ________________________________________________________________________
Bölmənin,
mövzunun nömrəsi ________________________________________________________
Müəlliflər________________________________________________________________
KONFRANSIN TƏŞKİLAT KOMİTƏSİ
SƏDR:
Fərzəliyev V. akademik, AMEA Aşqarlar Kimyası İnstitutunun baş direktoru
MƏSUL KATİB:
Səfərova M. k.ü.f.d., dosent, AMEA Aşqarlar Kimyası İnstitutunun elmi katibi
ÜZVLƏR:
Abbasov V. akademik, AMEA Neft Kimya Prosesləri İnstitutunun baş direktoru
Abdullayev Y. k.ü.f.d., dosent, Bakı Mühəndislik Universitetinin “Kimya mühəndisliyi” kafedrasının müdiri
Ağayev Ə. k.e.d., Sumqayıt Dövlət Universitetinin professoru
Babanlı M. AMEA-nın müxbir üzvü, AMEA Kataliz və Qeyri-üzvi Kimya İnstitutunun icraçı direktoru
Əliyev A. akademik, AMEA Kataliz və Qeyri-üzvi Kimya İnstitutunun şöbə müdiri
Əliyev F. akademik, AMEA Gəncə Elmi Bölməsinin sədri
Əlimərdanov H. AMEA-nın müxbir üzvü, AMEA Neft Kimya Prosesləri İnstitutunun şöbə müdiri
Əmirov F. tex.e.d., professor, Azərbaycan Dövlət Neft və Sənaye Universitetinin “Üzvi maddələr və yüksəkmolekullu birləşmələrin texnologiyası” kafedrasının müdiri
Hacıyeva S. k.e.d., professor, Bakı Dövlət Universitetinin “Ekoloji kimya” kafedrasının müdiri
Qarayev E. k.e.d., prof., Azərbaycan Tibb Universitetinin “Ümumi və toksikoloji kimya” kafedrasının müdiri
Quliyev F. k.e.d., prof. Azərbaycan Tibb Universitetinin professoru
Quliyev K. k.e.d, professor, AMEA Polimer Materialları İnstitutunun icraçı direktoru
Məcidov Ə. akademik, AMEA Kataliz və Qeyri-üzvi Kimya İnstitutunun şöbə müdiri
Məhərrəmov A. akademik, Bakı Dövlət Universitetinin “Üzvi kimya” kafedrasının müdiri
Məmmədov B. AMEA-nın müxbir üzvü, AMEA Polimer Materialları İnstitutunun baş direktoru
Məmmədov İ. k.e.d., professor, Bakı Dövlət Universitetinin “Neft kimyası və kimya texnologiyası” kafedrasının müdiri
Mürsəlov N. tex..e.d., dosent, AMEA Neft Kimya Prosesləri İnstitutunun icraçı direktoru
Sucayev Ə. k.e.d., dosent, AMEA Aşqarlar Kimyası İnstitutunun icraçı direktoru
Verdizadə N. k.e.d., Azərbaycan Dövlət Pedaqoji Universitetinin professoru
Yusibov Y. k.e.d., professor, Gəncə Dövlət Universitetinin rektoru
Zalov Ə. k.e.d., dosent, Azərbaycan Dövlət Pedaqoji Universitetinin “Analitik və fiziki kimya” kafedrasının müdiri