“WhatsApp” messenceri köhnəlmiş “iPhone” modellərini dəstəkləməyi dayandıracaq. Bu barədə “WABetaInfo” portalı məlumat verib.
“ICTnews” Elektron Xəbər Xidməti “ria.ru” saytına istinadən yazır ki, messencerin “iOS” əməliyyat sistemi üçün son beta-versiyasında “iOS 9” və daha aşağı versiyaların idarəetməsi altında işləyən qurğuların dəstəyi dayandırılıb. “WhatsApp” messencerinin rəsmi resursunda bu barədə məlumat hələ ki yoxdur.
Hazırda sözügedən messencerin “iPhone” üçün dəstəklədiyi əməliyyat sistemlərinin rəsmi siyahısında “iOS 9” və ya daha yeni versiyalar qeyd edilib.
Emil Hüseynov