AMEA Aşqarlar Kimyası İnstitutunun alimi sertifikatla təltif olunub

1171

AMEA Aşqarlar Kimyası İnstitutunun elmi işlər üzrə direktor müavini, kimya üzrə elmlər doktoru, dosent Əfsun Sucayevin “Journal of Organometallic Chemistry” (Metalüzvi kimya jurnalı) jurnalındakı ekspert fəaliyyəti sertifikata layiq görülüb. O, 2020-ci ildən jurnalla əməkdaşlıq edir. Jurnalın ekspertlər siyahısına daxil edilib, mütəmadi olaraq zərif üzvi sintez və onların funksional xassələrinin tədqiqi ilə bağlı məqalələrin müstəqil ekspert dəyərləndirilməsi ilə məşğul olur.

Məlumat üçün bildirək ki, dünyanın nüfuzlu nəşriyyatlarından biri sayılan Elsevier-in nəşri olan “Journal of Organometallic Chemistry” “Web of Science” bazasına daxildir, hər buraxılışında kimyanın mühüm və aktual nəzəri məsələləri, struktur kimyası, sintez, fiziki və kimyəvi xüsusiyyətlər (reaksiya mexanizmləri daxil olmaqla) və üzvi metal birləşmələrin praktik tətbiqləri ilə əlaqəli orijinal əsərlər yer alır. Jurnalın əhatə dairəsi bioorganometalik kimya və materialşünaslıqdakı organometalik komplekslər və orqanometalik kimyadakı daha ağır əsas qrup elementləri haqqında mühüm tədqiqatları əhatə etmək üçün genişləndirilmişdir. Jurnalda ayrıca məqalələr, qısa məlumat və qeydlər dərc olunur. Jurnalın impakt faktoru 2.304-dür.

PAYLAŞ